trök nao: = thoes =

Limburgs: wie sjriefs se det ?
noe te koup

Wiewaal de titel 't duit vermoede, is dit book gèn sjpellinggids. D'r wurtj den waal 'n eenvoudige sjriefwies veurgesjtèldj óm in iddere oethook vanne provincie alle meugelike plaatselike variante van 't 'Limburgs' te sjrieve, 't grótste deil van van dit book besjrief de ervaringe mit 't laeze en sjrieve van emes mit 'n oet de handj geloupe leefdje veur zien modertaal.

Móchtj g'r mieër wille wete euver de sjpelling van 't Limburgs, of 'ns get wille sjrieve in 't Limburgs, 't maak daobie neet oet in welke plaatselike variant den ouch, den kintj g'r aan dit book naeet naeve. De veurgesjtèldje sjpellingregels in dit book zeen mekkelik aan te lieëre en te gebroeke. Alles waat in dit book besjreve sjtuit volduit aan de sjpellingregels die in 2003 zeen opgesjtèldj door de Raod veur 't Limburgs en zeen goodgekeurdj door Veldeke Limburg.

Nao 't oetkómme van 't book wórt d'r inne media aandach aan besjtaedj. De waek nao vastelaovendj versjeen 'n artikel inne Limburger wo-in Guus Urlings mich interviewdje naodet hae 't book hej doorgenómme.
Door twieë lokaal ómreupe wórt ich geïnterviewdj. In 't OR6-programma "sjpek mit eier" van Agnes Stijnen van zónjig 19 mieërt 2017, móch ich ane óntbijttaofel aansjuve. Ómreup 3ML besjtaedje d'r in 't regionaal nuuts van dinsdig 21 mieërt aandach aan. Ouch bie Regio Leudal TV móch ich aantraeje in de serie "bijzondere ontmoetingen" det dao regelmaotig wurtj oetgezónje. Op 't inj van mei sjtónge in 'n aantal edities van 1Lokaal versjillendje sjtökskes euver 'Limburgs: wie sjriefs se det?'. Ouch Veldeke Limburg besjtaedje ruum aandach aan mien book. Op häör websjtek is 't interview te laeze det Bèr Brounts en Har Sniekers mich nao 't versjiene aafnómme. In 't L1-programma 'plat-eweg' woor op 24 juli 'n interview te huuëre det Henk Hover mich de daag teveure aafnoom. En uiteraard woor de sjpelling van 't Limburgs en mien book 't óngerwerp van discussie.

Móchtj g'r d'r in geïnteresserd zeen, 't book kosj € 29,95. Es 't opgesjtuurdj mót waere, kómme d'r € 4,75 verzendkoste bie.
Alle informatie euver 't bestèlle, vintj g'r ónger 't knuupke 'besjtèlle' oppe balk links.

De gegaeves van 't book:
ISBN: 9 789463 428552
fórmaat: 155 x 235 x 17 mm
gewich: 600 gram
aantal bladzieje: 218
gebónje in 'n glanzendje hel kaf
gedröktj op matglans wit papier
alle aafbeeldinge in kluuër