trök nao: = thoes =

Besjtèlle van:
' Limburgs: wie sjriefs se det? '
' druimentaere 2 & anger sjrieverieje '
' druimentaere '
' mien proofsjrif
'

De drie beuk zeen te besjtèlle door 'n e-pöske te sjture nao: jan.sjure@druimentaere.nl mit dao-in eure naam en adres.
Es g'r daonao 't geldj euvermaaktj op raekeningnummer: NL58 KNAB 0255 1308 80 t.n.v. Jasc Consultancy, wurtj zoeëgaw 't geldj binne is, 't book mit normale pos versjtuurdj.
't Kin allemaol door de brevebös, g'r hooftj d'r neet veur thoes te blieve.

Móchtj g'r mieër beuk wille besjtèlle, haotj d'r den raekening mit det veur idder book verzendkoste betaaldj mótte waere ómdet idder book apaart verpaktj is en via de normale pos bezorgdj wurtj.

Aafhaole kin natuurlik ouch, 't sjiltj uch den de verzendkoste. Beltj waal aeve vanteveure op nummer 0475 46 8113 óm te veurkómme det g'r aan 'n gesjlaote deur sjtaotj.
't Aafhaoladres is Groeëtesjtraot 34 in Lin (veur de navigatie: Grotestraat 34, Linne).

De prieze:
Limburgs: wie sjriefs se det?: € 29,95, verzendkoste: € 4,75, totaal: € 34,70;
Druimentaere: € 29,95, verzendkoste: € 6,75, totaal: € 36,70;
Druimentaere 2 & anger sjrieverieje: € 19,95, verzendkoste: € 4,75, totaal: € 24,70;

Ómdet de twieë druimentaerebeuk eigelik bie-ein huuëre, waere ze same aagebaoje veur € 44,90 in plaats van € 49,90. De verzendkoste kómme d'r veur idder book apaart bie. Aafhaole sjeeltj hie € 11,50, de meujte waerd óm aeve aan te kómme. Móch Lin te wied aaf zeen, den koste de twieë beuk inclusief verzendkoste € 56,40.

Móchtj g'r geïnteresseerdj zeen in mien proofsjrif, den kin ich det aanbeje veur € 29,95 mit € 4,75 aan verzendkoste.

============================================================================

Limburgs: wie sjriefs se det?

inleiing

dit book op 'n rie

'Limburgs: wie sjriefs se det?' kosj € 29,95. Es 't opgesjtuurdj mót waere, kómme d'r € 4,75 verzendkoste bie, womit 't totaal op € 34,70 kump.

Nao de publicatie inne gezèt van maondig 6 mieërt euver mien book, kreeg ich van 'n aantal miense de vraog of 't neet meugelik is 'örges' 'n inkiekske te kriege. Óm aan die vraog te voldoon, höb ich de inleiing van 't book toegankelik gemaak door op de sjakel 'inleiing' ónger 't plaetje van 't book te klikke. En móchtj g'r wille wete waat nog mieër in 'Limburgs: wie sjriefs se det?' sjtuit, es g'r op de sjakel 'dit book op 'n rie' ónger 't eigeste plaetje kliktj, krieg g'r de inhoudsopgaaf oetgeserveerdj.

============================================================================

druimentaere 2 & anger sjrieverieje

dit book op 'n rie

'Druimentaere 2 & anger sjrieverieje' kosj € 19,95. Es 't opgesjtuurdj mót waere, kómme d'r € 4,75 verzendkoste bie, womit 't totaal op € 24,70 kump.

In dit book de columns 501 toet 625 sjtaon d'r allemaol in. Naeve de 125 columns sjtaon d'r 4 verhaole in wovan d'r eint quasi-science-fiction-trèkskes haet, d'r is 'n toneelsjtökske opgenómme en wiejer make 3 historische en 5 quasi-weitesjappelike sjriefsels 't book vol. Es g'r op de sjakel 'dit book op 'n rie' ónger 't plaetje van 't book duujtj, krieg g'r de inhoudsopgaaf oetgeserveerdj.

============================================================================

druimentaere

dit book op 'n rie

Op 27 juni 2014 versjeen miene 500ste column inne Limburger. Dae mielpaol woor 'n sjoeën aanleiing óm dao dit book bie oet te gaeve. Oppe ieëste bladzie sjtuit te laeze det die 500 columns same 744.975 letters ómvatte die in 151.035 wäörd zeen gepersj. 't Haet bekans 10 jaor geduurdj óm ze allemaol op 'n rieke te kriege. 't Is 'n lievig bookwerk gewaore en net wie 'Limburgs: wie sjriefs se det?', is 't allemaol gedrök op glanzend papier wo 'n sjoeën hel glanzendje kaf ómhaer zitj.

'Druimentaere' kosj € 29,95. 't Is 'n ins zoeë diek book es 'Limburgs: wie sjriefs se det?' mer ómdet d'r gèn gekluuërdje plaetjes insjtaon, kin 't veur dezelfdje pries geleverdj waere.
Vanwaege de diekdje en 't dao-aan gerelateerdje extra gewich, kómme d'r aevel, es 't opgesjtuurdj mót waere, get mieër verzendkoste bie. Tante Pos vreug noe einmaol mieër bezorgkoste, in dit geval kosj 't verzende € 6,75.

Es g'r op de sjakel 'dit book op 'n rie' ónger 't plaetje van 't book duujtj, krieg g'r de inhoudsopgaaf oetgeserveerdj.

============================================================================

compression unravelled

Op 6 december 2011, zès daag nao mien pensionering, móch ich ane Erasmus in Rotterdam mien proofsjrif 'compression unravelled' verdeidige. 't Is 'n samevatting van 'n jaor of zès óngerzeuk det ich of zelf höb gedaon, of höb geïnitieerdj en op locatie mit höb moge oetveure bie de óntwikkeling en 't oppe mert bringe van 'n nuuj produc veur de behanjeling van aope bein. In 't prrofsjrif ouch 'n Limburgstalige samevatting.

't Óntwerp van dit book woor de basis van mien anger beuk die ich daonao höb moge oetbringe. De kluuëre greun en paars zeen ouch de kluuëre vanne verpakking van det nuuj produc; 't origineel in paars en 'n verbaeterdje versie die get later is oetgebrach kreeg 'n greun kluuërke mit. 't Insigste versjil is det mien Limburgstalige beuk 'n glanzendje hel kaf höbbe en mien proofsjrif in mat is oetgeveurdj.

Es g'r 't proofsjrif wiltj bekieke, den kin det oppe websjtek vanne Erasmus Universiteit in Rotterdam, es g'r op 't plaetje kliktj van 't book hiebaove waertj g'r daohaer doorverweze.

G'r kintj uch 't book ouch besjtèlle; veur € 29,95 en € 4,70 aan verzendkoste wurtj 't opgestuurdj.

============================================================================