trök nao: = thoes =

DE FEETER

't book

Nederlandj is in 1945 amper bekómme van de Twieëdje Werreldoorlog es in Nederlandsch-Indië, ane angere kantj vanne werreld, zich nuuj probleme aandene. Op 17 augustus 1945 reuptj Soekarno de Indonesische ónaafhankelikheid oet. Nederlandj woor aevel nag neet toe aan 'n aafsjeid van 'Ós Indië". Óm de kolonie te behaoje, zat Nederlandj inne jaore 1945-1949 mieër es 150.000 man in, wo-ónger 38 jónges oet Lin.

Op maondigaovendj 3 mieërt 1947 reep keplaon van Lierop 'n vergadering bie-ein óm te kómme toet 'n aafdeiling Lin van 't Limburgs Thuisfront. Keplaon sjlaagdje in ziene opzat en nag daen eigeste maondj roldje de ieëste Feeters oet 'n sjtencilmesjien. 't Gezètje kreeg de naam van waat in Lin wórt gezagdj taege de elevator vanne grinjerie.

Die zès getypdje kentjes mit nuuts euver Lin, wore 't begin van bekans 3 jaor maondjeliks 38 Linder jónges oppe huuëgdje haoje van 't reile en zeile en al waat nag mieër gebeurdje in 'n dörpke ane Maas.

De 35 Feeters die in die drie jaor daonao versjene, krege bekans 70 jaor de tied óm in 'ne moerkas te vergaele en in väöl gevalle haos ónlaesbaar te waere. In dit book sjtaon alle tekste van die 35 Feeters. Alles getwieëdoezendjnegetieëndj, mer veural opgesjuuëndj mit gezètte-artikele en foto's die de tekste vergezelle, door Jan Sjure, zoon van Thei van Lieënke Sjure, dae tösse 1947 en 1950 veurzitter woor vanne aafdeiling Lin van 't Limburgs Thoesfront en ein vanne redacteure vanne Feeter.

de gegaeves van 't book (2dje drök):

• ISBN: 9 789463 860956
• fórmaat: 177 x 154 x 39 mm
• gewich: 1925 gram, sjoeën ane haok
• aantal bladzieje: 674
• alles gebónje in 'n glanzendje hel kaf en gedröktj op matglans wit papier
• de historische aafbeeldinge zeen allemaol in 't zjwart-wit vanne jaore 1947-1950
• Pries € 34,95; verzendkoste € 6,75.

besjtèlle

Besjtèlle kin via 'n e-pöske nao: jan.sjure@druimentaere.nl mit dao-in eure naam, eur adres en telefoonnummer;
Es g'r daonao € 34,95 euvermaaktj op raekeningnummer NL05 TRIO 0379 4523 08 t.n.v. druimentaere, wurtj 't opgestuurdj
Es 't book opgesjtuurdj mót waere, kómme d'r € 6,75 verzendkoste bie; den wurtj 't € 41,70. 't Is nagal 'n diek book en pasj neet door de brevebös. 't Wurtj bezörgdj door PostNL, g'r kriegtj 'n 'track & trace code.

Aafhaole kin natuurlik ouch, 't book is op veurraod op 't adres Groeëtesjtraot 34 in Lin (veur de navigatie: Grotestraat 34, Linne).
'n Telefoontje veuraaf veurkumtj 'n geslaote deur: 0475 46 8113.

Ich huuër gaer van uch.