trök nao: "thoes"

Wie lestig 't döks ouch is, en of se wils of neet, doe mós mit diene tied mitgaon...
Num noe 'ns zoeë'n versjiensel es Facebook. Ich zoot d'r oeëts op, deej d'r bekans nieks mit en bön d'r weer mit gesjtopt.

In september 2018 zote v'r mit 'n paar man aan taofel en hejje v'r 't euver 't succes van 'ne Facebookgroep dae in Mestreech actief is: "De spriks Mestreechs este..." Mieë es 2.000 leje en laevendige en interessante dicussies in en euver 't Mestreechs. De vraog loog den ouch al sjnel op taofel of 't neet 't probere waerd zów zeen óm zoeëget veur hieël Limburg te höbbe. 't Limburgs ligktj aan beidskenj vanne päöl zjwaor ónger drök en meugelik zówwe v'r de taal get kinne sjtiepe door det waat in Mestreech zoeë good löp veur ein sjtad, veur hieël Limburg te gaon opzètte. Wie de naam: "Doe kals Limburgs es se..." einmaol op taofel loog, ging de res wie van allein. Binne 'n paar waeke woor de groep werreldkunjig gemaak en binne de korste kere hejje v'r 'n paar hóngerd leje en iddere daag kómme d'r nuje bie.

Uiteraard kin idderein zich kosteloeës aanmelje.

Idder waek waere dees rubrieke ouch op dees sjtek geplaatsj. Es g'r mit wiltj doon aan de laevendige en amusante oetwisseling van eur Limburgs, is 't aan te raoje uch aan te melje es lid. Geweun nao Facebook gaon, dao ingaeve "doe kals Limburgs es te..." en nao de acceptatie van eur aanmeljing zeetj g'r vanne partie.

Es g'r op ein vanne plaetjes hie-ónger duutj, gaontj g'r nao de gewunsdje sectie.