trök nao: "Limburgs wie sjrief ich det"

de sjpelling van
't Remunjs in 't kort

door dr. Pierre Bakkes

1. Klinkers
De klinkerteikens zeen wie in ‘t Nederlands.
E paar aparte teikens zeen:
de è : deze klinker kump veur in wäörd wie bèd, wèt, mès, rèkke;
de ö : deze klinker kump veur in wäörd wie Kölle, pötje, völle, bös, plökke;
de ó : deze klinker kump veur in wäörd wie wórs, bós, hóndj, póndj;
de ae : deze klinker kump veur in wäörd wie laeve, waers, maete, laeve, kaetel;
de äö : deze klinker kump veur in wäörd wie wäörd, väöl, näöle, häökske;
de ao : deze klinker kump veur in wäörd wie waord, paol, naol, haok.
Sjrief nooit ee, oo, uu, aa es det vanoet ‘t Nederlands verkeerd is.
Dus: vader, moder, ule, moge, oje, kure, ape, knoje.

2. Tweeklanke
Veurbeelde van Remunjse wäörd bie meerklanke:
eej (ich) leej, reej, deej ‘(ik) leed, reed, deed';
eew eew ‘eeuw';
aej (ich) traej, gaej ‘(ik) treed, wied';
ej wejje, nejje ‘waaien, naaien';
aej traej, ‘voetstap';
uuj luuj, perrepluuj, Truuj ‘mensen, paraplu, Truus';
euj bleuj, (ich) neuj ‘bloei, (ik) nodig;
äöj täöj ‘papieren zakken';
oej (ich) loej (de klokke) ‘(ik) luid (de klokken)';
oew troew, moew ‘trouw, mouw';
ooj ooj, (ich) sjooj ‘ui, (ik) loop rond';
aoj (ich) braoj ‘ik braad';
aj aj (doe duis mich pien) ‘ai';
aaj aaj (miense), flaaj ‘oude (mensen), vlaai'.
Kees in principe veur ou en neet veur au , behalve es 't Nederlands au haet.
Kees in principe veur ei en neet veur ij , behalve es 't Nederlands ij haet.

3. Mitklinkers
De mitklinkers zeen wie in ‘t Nederlands. Inkel bezónjer gevalle zeen:
de gk : dit teiken kump veur in wäörd wie sjoegkel, bagke, rögke, ligke, mögke;
de sj : dit teiken kump veur in wäörd wie sjoon, sjool, sjael, sjiene, sjnaps;
de zj : dit teiken kump veur in wäörd wie Zjwame, zjwans, zjwaer, zjweite.
De j wurt in eine mitklinkergroep mer eine keer gesjreve, op ‘t inj.
Dus blindj, kiendj, windj, kantj, landj, tandj.

4. t of d op ‘t inj van wäörd
Es ‘t waord in ‘t Nederlands op ‘t inj ‘n d haet, blief die in ‘t Remunjs bewaard, ouch es die d door ‘n j gevolg wurt.
Mer es ‘t Nederlands gein veurbeeld mit d is,dan altied ‘n t sjrieve, want die klink dao.
Dus: hóndj, landj, tandj, bèd naeve kat, rat, wèt.

5. ‘t Kort wäördje se
De ónbeklemtoonde vorm van doe is se.
Det is e waord.
Sjrief det los van ‘t werkwaord.
Dus: kieks se, kums se, leets se, paks se, es se kums, es se det leets.

6. Internationaal wäörd
Internationaal wäörd waere in ‘t Remunjs zo väöl meugelik in de internationaal sjpelling gesjreve.
Dus: telefoon, televisie, diskette, computer, chatte, sms-e.