trök nao = thoes =

Besjtèlle van:
druimentaere
druimentaere 2 & anger sjrieverieje
Limburgs: wie sjriefs se det?
de Feeter
mien proofsjrif: compression unravelled

Mien beuk zeen te besjtèlle door 'n e-pöske te sjture nao:
jan.sjure@druimentaere.nl mit dao-in eure naam en adres.
Es g'r daonao 't geldj euvermaaktj op raekeningnummer:
NL05 TRIO 0379 4523 08 t.n.v. druimentaere
wurtj zoeëgaw 't geldj binne is, 't book (of de beuk) mit normale pos versjtuurdj.
't Kin allemaol door de brevebös, g'r hooftj d'r neet veur thoes te blieve.

Op 1 januari 2019 vónj ós regering 't bliekbaar nuuëdig
óm 't BTW-tarief op beuk te verhuuëge van 6% nao 9%.
Ómdet ich (gelökkig) neet hoof te laeve vanne verkoup van beuk,
höb ich gemèndj de prieze van mien beuk neet te verhuuëge.

Móchtj g'r mieër beuk wille besjtèlle, haotj d'r den raekening mit det veur idder book verzendkoste betaaldj mótte waere ómdet idder book apaart verpaktj is en via de normale pos of via 'Postnl' bezorgdj wurtj.
Aafhaole kin natuurlik ouch, 't sjiltj uch den de verzendkoste. Beltj waal aeve vanteveure op nummer 0475 46 8113 of 06 81 75 72 23 óm te veurkómme det g'r aan 'n gesjlaote deur sjtaotj.
't Aafhaoladres is Groeëtesjtraot 34 in Lin (veur de navigatie: Grotestraat 34, Linne).

De prieze:

Alles waat opgesjtuurdj mót waere, wurtj bezörgdj door 'postnl'. Zoeëgaw 't book dao aafgegaeve is, kriegtj g'r 'n 'track & trace' code,

Ómdet de twieë druimentaerebeuk eigelik bie-ein huuëre, waere ze same aangebaoje veur € 44,90 in plaats van € 49,90. De verzendkoste kómme d'r veur idder book apaart bie. Aafhaole sjeeltj hie € 11,50, de meujte waerd óm aeve aan te kómme. Móch Lin te wied aaf zeen, den kómme de twieë beuk inclusief verzendkoste op € 56,40.

Móchtj g'r geïnteresseerdj zeen in mien proofsjrif, den kin ich det aanbeje veur € 29,95. Mit de € 4,75 aan verzendkoste kumtj 't op € 34,70.

En ómdet 't Nederlandse belastingsysteem 'beuk verkoupe' ouch zuutj es 'hanjel', bön ich verplich óm mien Kamer-van-Kouphanjel- en btw-nummer te vermelje. Ze sjtaon links oppe balk.

Limburgs: wie sjriefs se det?

druimentaere 2 & anger sjrieverieje

In dit book sjtaon de columns 501 toet 625. Naeve dees 125 columns sjtaon d'r 4 verhaole in wovan d'r eint quasi-science-fiction-trèkskes haet, d'r is 'n toneelsjtökske opgenómme en wiejer make 3 historische en 5 quasi-weitesjappelike sjriefsels 't book vol.

druimentaere

Op 27 juni 2014 versjeen miene 500ste column inne Limburger. Dae mielpaol woor 'n sjoeën aanleiing óm dao dit book bie oet te gaeve. Oppe ieëste bladzie sjtuit te laeze det die 500 columns same 744.975 letters ómvatte die in 151.035 wäörd zeen gepersj. 't Haet bekans 10 jaor geduurdj óm ze allemaol op 'n rieke te kriege. 't Is 'n lievig bookwerk gewaore en net wie 'Limburgs: wie sjriefs se det?', is 't allemaol gedrök op glanzend papier wo 'n sjoeën hel glanzendje kaf ómhaer zitj.

'Druimentaere' kosj € 29,95. 't Is 'n ins zoeë diek book es 'Limburgs: wie sjriefs se det?' mer ómdet d'r gèn gekluuërdje plaetjes insjtaon, kin 't veur dezelfdje pries geleverdj waere.
Vanwaege de diekdje en 't dao-aan gerelateerdje extra gewich, kómme d'r aevel, es 't opgesjtuurdj mót waere, get mieër verzendkoste bie. Tante Pos vreug noe einmaol mieër bezorgkoste, in dit geval kosj 't verzende € 6,75.

compression unravelled

Op 6 december 2011, zès daag nao mien pensionering, móch ich ane Erasmus in Rotterdam mien proofsjrif 'compression unravelled' verdeidige. 't Is 'n samevatting van 'n jaor of zès óngerzeuk det ich of zelf höb gedaon, of höb geïnitieerdj en op locatie mit höb moge oetveure bie de óntwikkeling en 't oppe mert bringe van 'n nuuj produc veur de behanjeling van aope bein. In 't proofsjrif sjtuit ouch 'n Limburgstalige samevatting. 't Óntwerp van dit book woor de basis van mien anger beuk die ich daonao höb moge oetbringe. 't Insigste versjil is det mien Limburgstalige beuk 'n glanzendje hel kaf höbbe en mien proofsjrif in mat is oetgeveurdj. Es g'r 't proofsjrif wiltj bekieke, den kin det oppe websjtek vanne Erasmus Universiteit in Rotterdam, es g'r op 't plaetje kliktj van 't book hiebaove waertj g'r daohaer doorverweze. G'r kintj uch 't book ouch besjtèlle; veur € 29,95 en € 4,70 aan verzendkoste wurtj 't opgestuurdj.

Nederlandj is in 1945 amper bekómme van de Twieëdje Werreldoorlog es in Nederlandsch-Indië, ane angere kantj vanne werreld, zich nuuj probleme aandene. Op 17 augustus 1945 reuptj Soekarno de Indonesische ónaafhankelikheid oet. V'r wore hie aevel nag neet toe aan 'n aafsjeid van 'ós Indië'; óm de kolonie te behaoje, zat Nederlandj inne jaore 1945-1949 mieër es 150.000 man in, wo-ónger 38 jónges oet Lin.
Op maondigaovendj 3 mieërt 1947 reep keplaon van Lierop 'n vergadering bie-ein óm te kómme toet 'n aafdeiling Lin van 't Limburgs Thuisfront. Keplaon sjlaagdje in ziene opzat en nag daen eigeste maondj roldje 'ne ieëste Feeter oet 'n sjtencilmesjien. 't 'Gezètje' kreeg de naam van waat in Lin oeëts wórt gezag taege de elevator vanne grinjerie. Die zès getypdje kentjes mit nuuts van en euver Lin, wore 't begin van 't bekans 3 jaor maondjeliks oppe huuëgdje haoje van 't reile en zeile en al waat nag mieër gebeurdje in 'n dörpke ane Maas. De 35 Feeters die in die drie jaor versjene krege bekans 70 jaor de tied óm in 'ne moerkas te vergaele en in väöl gevalle haos ónlaesbaar te waere.

Op 27 december 2019, oppe kop aaf 70 jaor nao de Nederlandse erkinning vanne Indonesische ónaafhankelikheid, wórt in Aetcafé Lin 't book 'De Feeter' gepresenteerdj.

In dit book sjtaon de tekste van alle 35 Feeters, wo meugelik opgesjuuëndj mit foto's en gezètte-artikele, 'getwieëdoezendj-negetieëndj', en van get extra hoofsjtökke veurzeen door dr. Jan Sjure, de zoon van Thei van Lieënke Sjure dae tösse 1947 en 1950 veurzitter woor vanne aafdeiling Lin van 't Limburgs Thoesfront es ouch ein vanne redacteure vanne Feeter.