trök nao: = thoes =

de taal van Lin
...ónger ós gezag en gezjwege

eindelik:
't waordebook van Lin
versjientj in februari/mieërt 2021

inteikene mit € 5,- korting meugelik toet 1 januari 2021


In februari/mieërt 2021 versjientj de taal van Lin: ...ónger ós gezag en gezjwege.
'n Waordebook van 't Lins det besjtuit oet drie deile:
» euver 't Lins,
» 't Lins van A toet Z,
» Nederlands - Lins.
'n Lievig bookwerk mit 'n glanzendje hel kaf, riekelik en kluuërriek geïllustreerdj, wo-in 't Lins veur de ieëwigheid is vasgelag.
de taal van Lin geit nao de introductie € 39,95 koste.

De taal van Lin, 't Lins van A toet Z mit veurbeeldjzinne wie die wäörd in Lin gebroektj waere of oeëts gebroektj zeen gewaore. Mer ouch mit 'n euverzich van 't Lins door de jaore haer, 'n oetgebrèdje besjrieving van de sjpelling en de grammatica van 't Lins. Wiezoeë is 't Lins anges es 't Brachs, 't Mofers, 't Bergs, 't Maerems of 't Remuunjs ? Haet 't Lins nag waal 'n toekóms ? 't Kump allemaol oetgebrèdj aan bod.

Verzekertj uch van dit naosjlaagwerk door noe al in te teikene. 't Guf uch 'n korting van € 5,-; g'r betaaltj den € 34,95 en waertj achter in 't book opgenómme in de lies van veurinteikenieërs.

De taal van Lin haet de eigeste opmaak es 't book Limburgs: wie sjriefs se det? det in 2017 wórt oetgegaeve.
Bie inteikening op de taal van Lin, kin Limburgs: wie sjriefs se det? mitbesjtèldj waere mit € 10,- korting (€ 19,95 in plaats van € 29,95).
Mit die combinatiekorting kómme de twieë beuk same op € 54,90.

Inteikene is meugelik toet 1 januari 2021.
Es g'r 'n e-pöske sjtuurtj nao: jan.sjure@druimentaere.nl mit dao-in eure naam, adres en telefoonnummer wo-in g'r ouch laotj den wete of g'r wiltj inteikene op de taal van Lin of det g'r gebroek wiltj make van de combinatiekorting . Es g'r daonao 't geldj euvermaaktj op raekeningnummer: NL05 TRIO 0379 4523 08 t.n.v. druimentaere, is alles geregeldj en kintj g'r 't book of de beuk vanaaf 1 februari 2021 aafhaole op Groeëtesjtraot 34 in Lin (veur de navigatie: Grotestraat 34, Linne).