trök nao: = thoes =

metale laesplenkske
(sommige luuj zègke 'vintage')
€ 29,95

't Linner laesplenkske (veur anger plaatse sjtaon de aanwiezinge wiejer nao ónger)

Es emes (m/v) Limburgs geit sjrieve, haet d'r gemeinlik gein meujte mit de klanke die 't Nederlands ouch haet. Wäörd wie: 'kamer', 'pen' of 'wasse', sjtaon in foutloos Limburgs zónger meujte op papier.
Ouch bie väöl wäörd die in 't Limburgs anges klinke es in 't Nederlands, zoeë wie beveurbeeldj 'hoes' (huis) 'vief' (vijf) 'deig' (deeg), 'meug'(moe) of ''book" (boek), hoof nemes ech nao te dinke ómdet die wäörd den waal Limburgs zeen, mer klanke gebroeke (in de veurbeeldje: 'oe', 'ie', 'ei', 'eu', 'oo') die v'r oppe leger sjoeël al höbbe lieëre sjrieve.

Gans anges wurtj 't es v'r wäörd mötte sjrieve, wo-in v'r klanke huuëre die 't Nederlands neet haet.
"Haopelik haoje v'r 't druuëg en vèltj d'r neet te väöl raege es v'r ós sjoeën sjtraotfieës höbbe".
Mer leefs nege klanke in ein zin die gesjreve waere wie v'r 't noeëts gelieërdj höbbe gekrege.

Den is 'n laesplenkske 'n oetkóms. De nege klanke mit 'n veurbeeldj op 'n metale bördje, mekkeliker kin bekans neet.
De pries van 't plenkske is € 29,95, de verzendkoste kómme op € 4,75
En ouch 't besjtèlle is neet hieël lestig. Haotj allein raekening mit 'ne levertied van ein toet twieë waeke.

't Laesplenkske is te besjtèlle door 'n e-pöske te sjture nao:
jan.sjure@druimentaere.nl mit dao-in eure naam en adres.
Es g'r daonao 't geldj euvermaaktj op raekeningnummer:
NL05 TRIO 0379 4523 08 t.n.v. druimentaere
wurtj zoeëgaw 't geldj binne is, 't plenkske (of de plenkskes) mit normale pos versjtuurdj.
't Kin allemaol door de brevebös, g'r hooftj d'r neet veur thoes te blieve.

Móchtj g'r mieër plenkskes wille besjtèlle, den zeen de verzendkoste € 4,75 per 10 plenkskes.
Aafhaole kin natuurlik ouch, 't sjiltj uch den de verzendkoste.
Beltj waal aeve vanteveure op nummer 0475 46 8113 óm te veurkómme det g'r aan 'n gesjlaote deur sjtaotj.
't Aafhaoladres is Groeëtesjtraot 34 in Lin (veur de navigatie: Grotestraat 34, Linne).

Prieze veur grótter aantalle:
van 2-10: € 27,95;
van 11-25: € 25,95;
26 en mieër: 21,95.

En ómdet d'r mieër sjtaej, sjtedjes, dörper en dörpkes in Limburg ligke, kintj veur idder plaats zoeë'n plenkske besjtèldj waere.
Es g'r twiefeltj of de klanke die in eur plaatselik dialec gebroektj waere toch anges zeen es die van Lin, den kómme v'r dao same waal oet, 'n e-pöske nao jan.sjure@druimentaere.nl is genóg.
Ich haoj mich aevel aan eine regel, alles wurtj gesjpeldj zoeë wie besjreve in 't book "Limburgs: wie sjriefs se det?'.
Es d'r väöl verangerdj mót waere aan 't plenkske, den kumtj d'r einmaolig € 12,50 bie; daonao kinne d'r van die variant zónger extra koste mieër besjtèldj waere veur de pries van € 29,95, of veur grótter aantalle veur de prieze die hiebaove zeen benumdj.

De gegaeves van 't plenkske:
materiaal: metaal;
fórmaat: ligkendj, 200 x 300 mm;
gewich: 184 gram;
gedröktj in kluuër;